Қазақстан мен Венгрия су ресурстарын басқару бойынша ынтымақтастық туралы меморандумға қол қойды
29 сәуір 2019
Қазақстан мен Венгрия су ресурстарын басқару бойынша ынтымақтастық туралы меморандумға қол қойды

Бүгін Қазақстан Республикасы Сыртқы істер министрлігінде Қазақстан Республикасы Ауыл шаруашылығы министрлігі мен Венгрияның Ішкі істер министрлігі арасындағы су ресурстарын басқару саласындағы ынтымақтастық жөніндегі Өзара түсіністік туралы меморандумға (бұдан әрі – Меморандум) қол қою рәсімі өтті.

Осы өзара түсіністік туралы меморандумның мақсаты -су ресурстарын басқару саласындағы тараптар арасындағы ынтымақтастық үшін негіз құру.

Рәсімге Қазақстан Республикасының Ауыл шаруашылығы министрі Сапархан Омаров мырза және Венгрия Премьер-Министрінің орынбасары, Венгрияның Қаржы министрі Михай Варга мырза қатысты.

Меморандум екі тарап арасындағы су ресурстарын ықпалдастыра басқару және шекарааралық су ресурстарын қорғау және пайдалану саласындағы ынтымақтастық мәселелері бойынша серіктестікті дамыту үшін негіз болады. 

Меморандум аясында су ресурстарының сандық және сапалық мониторингін жүргізу, су бассейндерін басқару жоспарларын дайындау, заңдық және экономикалық реттеу және ынталандыру жоспарлануда. Су ресурстары саласындағы ғылыми-зерттеу жұмыстарына ерекше мән беріледі.

ҚР АШМ Қоғаммен байланыс жөніндегі департаменті
+7 (7172) 555-765, 555-947
Другие новости